Пи Эм Ай Монголиа Чаптэраас зохион байгуулж байгаа Төслийн удирдлагын тэмцээний ялагч нар тодорлоо
1-р байр: Spirits and Such баг (Монгол Улсын Их Сургууль)
SteppeTrip (AI based travel route generator) Project
2-р байр: Fintastic баг (Санхүү Эдийн Засгийн Их Сургууль)
Eco-Bin Project
3-р байр: Mindmates баг (Санхүү Эдийн Засгийн Их Сургууль)
IBondU Project
Өөрсдийн хичээл зүтгэл, идэвх санаачлага, хөдөлмөрийн үр дүнгээ үнэлүүлж шагналт байранд шалгарсан:
- Spirits and Such багийн гишүүд: Өнөрцолмонгийн Агиймаа, Энхжаргалын Хантүшиг, Эрдэнэсүхийн Эрхэс, Баатарчулууны Баяржавхлан;
- Fintastic багийн гишүүд: Бат-Эрдэнийн Амарбаясгалан, Амартүвшингийн Номинзул, Баярмагнайгийн Энхзул, Пүрэвсүрэнгийн Энхмандах;
- Mindmates багийн гишүүд: Эрдэнэхүүгийн Сайнбаяр, Чулуунбатын Дэнсмаа, Даваадуламын Бямбадолгор нартаа халуун баяр хүргэж, сурлага хөдөлмөрийн өндөр амжилт хүсэн ерөөе.
ТЭМЦЭЭНИЙ СҮҮЛИЙН ШАТНЫ ТУХАЙ
Төслийн удирдлагын тэмцээний шалгаруулалтын эцсийн шат нь 2025 оны 4-р сарын 26-ны өдөр болж өнгөрлөө. Финалын шатанд тунаж үлдсэн 6 багийн гишүүд бэлдсэн төслөө шүүгч нарт танилцуулж, шүүгч нарын зүгээс тавьсан асуултанд сандарч тэвдэлгүй, мэргэжлийн түвшинд хариулж амаргүй даваагаа амжилттай давлаа.
Манай оюутнууд төслийн удирдлагын талаарх сайн ойлголт, мэдлэгтэй болж байгаагийн зэрэгцээ, Англи хэлийг маш сайн эзэмшиж, дэлхийд өрсөлдөхөд бэлэн болсноо баталлаа.
ШАГНАЛ
Эхний гурван байранд шалгарсан багуудын гишүүдэд мөнгөн шагнал, Пи Эм Ай Монголиа Чаптэрийн сургалтын эрх болон 2025 оны 10-р сарын 17-нд зохион байгуулах Төслийн удирдлагын олон улсын хуралд оролцох урилга гардуулж өгөв.
Эхний байрны эзэн “Spirits and Such” Монгол Улсаа төлөөлж PMI 9-р бүсийн орнуудын бусад ялсан багийн оюутнуудтай бүсийн Төслийн удирдлагын тэмцээнд оролцох урилга авлаа.
Эхний гурван байранд шалгарсан баг болон тэмцээнд ажилттай оролцсон “Star” багийн гишүүдэд “НЕТКАПИТАЛ Санхүүгийн Групп”-ээс “Ажлын байрны урилга” гардуулсан нь оюутан залууст маань урам зориг өгсөн гэнэтийн бэлэг байлаа.
ТАЛАРХАЛ
Пи Эм Ай Монголиа Чаптэр болон оюутнуудын нэрийн өмнөөс дараах байгууллага болон хүмүүст талархал илэрхийлье:
- Оюутнуудад энэхүү тэмцээнд оролцох урам зориг өгч, бүх талаараа дэмжиж тусалсан холбогдох их дээд сургуулиудын багш нарт
- 3-р сарын 9-ний өдөр зохион байгуулсан сургалт, Тэмцээний нээлтийн ажиллагаанд оролцож оюутнуудад мэдлэг туршлагаасаа харамгүй хуваалцсан Голомт банкны Дижитал банкны хэлтсийн захирал А.Гантулга (PMI-ACP) Банк, Юнител ХХК-н шинэ бизнесийн төслийн менежер З.Туул (PMP, PMI-ACP), “Ричвелл Инженеринг”ХХК, “Урбан девелопмент консалтинг групп” ХХК, “Мон-Энержи консалт” ХХК компаниудын Барилга бүтээцийн зөвлөх инженер Б.Адилбиш (PMP) болон Монгол Улсын Их сургуулийн удирдлага, хамт олонд
4-р сарын 26-ны өдөр Тэмцээний шалгаруулалтын сүүлийн шатны арга хэмжээг тохилог, тухтай өөрийн оффист зохион байгуулах, манай оюутнуудад энэхүү тэмцээнд хүчээ сорих боломж олгосон НЕТКАПИТАЛ Санхүүгийн Группийн удирдлага, хамт олонд гүн талархал илэрхийлье.
Цаг заваа зориулан, ажил мэргэжлийн арвин их туршлага, мэдлэгтээ тулгуурлан тэмцээнийг шударга шүүсэн эрхэм шүүгч, зохицуулагч нартаа маш их баярлалаа:
С.Жавзандулам, НЕТКАПИТАЛ Санхүүгийн Группийн ТУЗ-ийн дарга, Гүйцэтгэх захирлын Тэргүүн орлогч
Г.Жавхлант /PMP, PMI-PMOCP, DASSM, PMI-ACP, Hybrid Project Pro Micro-Credential/ PMI Монголиа Чаптэрийн Мэргэжлийн хөгжил хариуцсан захирал, Капитрон Банкны Дижитал шилжилтийн газрын захирал,
Б. Тэмүүл /PMP, PMI-ACP, PMI-PBA/PMI Монголиа Чаптэрийн Ерөнхий нарийн бичгийн дарга, Премиум Нексус ХХК-ийн Автоматжуулалт, хөгжлийн хэлтсийн дарга,
Б.Бадам /PMP/ PMI Монголиа Чаптэрийн Гишүүнчлэл хариуцсан захирал, НЕТКАПИТАЛ Санхүүгийн Группийн Стратеги менежментийн газрын захирал.
ТЭМЦЭЭНД ОРОЛЦСОН БҮХ ОЮУТНУУДДАА МАШ ИХ БАЯРЛАЛАА!
Та бүхний дэмжлэгтэйгээр энэ тэмцээн маш амжилттай болж өнгөрлөө.
